Фарқ байни Ғазнию Ғазнов пайдояш накард,
Рустамовар модарам бо Ғазнавӣ103 ҳамхона шуд...
Мӯйсафед дигар хабар надорад, дар ҷавоби номае, ки ба ҳамдарсаш расонида буд, ба он дилдодаи боғи Кунҷок як каф зардолу ҳамчун доруи дарди дил фиристонданд ё не, аммо ҳоло чашм мепӯшаду он манзараи зебои фасли шабобу маъракаи ниҳолшинониро пеши назар меорад. Аҷаб не, яке аз он духтароне, ки аз сари ноз ба сари Санги лағзонак «баромада наметавонист», ҳамон дилбемори шаҳри калон бошад.

Арӯсу хушдоман дар сари дегу дош ҷунбуҷӯл доранду ба кадхудо бепарвой зоҳир мекунанд. Уфф... Зокири Хоҷа намефаҳмад, ки ин ду зан аз Санги лағзонак чӣ бадӣ дида бошанд.

Мӯйсафед аз ҷой вазнин хест. Гирду атрофи Санги лағзонакро побел ва аз сангу сангрезаҳои кӯҳӣ тоза кард. Ва поёнтар тарҳи ҳавзакеро андохт. Аз сари ҳавз то обмӯри ҷӯйбораки качу килебе канду обпартои ҳавзакро ба тарафи обмӯрии ҳамсоя рост кард.

— Бобоҷон.

Мӯйсафед сар бардошта дид, ки наберааш Ҷамшед дар сари Санги лағзонак нишастааст.

— Ҷони бобо.

— Имрӯз дар дарси забон дар бораи санги худамон гап задам.

— Нафаҳмидам?

— Мавзуи дарс «Исмҳои ҷинс ва хос» буд.

— Хуш?

— Шумо мегуфтед-ку, ин санг ба мисли як деҳ, як шаҳр як кӯҳ ва як дарё исми хос дорад! Вақте муаллим супориш дод, ки бо истифода аз исми хос яктой ҷумла созем, ман навиштам: «Санги бобом исми хос дорад.»

Акси се дастпона ва ё бозубанди мурассае, ки ин ҷо гузоштем, низ дар шакли мори дусара сохта шуда, аз Тоҷикистон ва Афғонистон кашф гардидаанд. Бостоншиносон ба таври мутлақ собит сохтаанд, ки ин ашё мутааллиқ ба даврони Ҳаҳоманишиҳо будаанд.

103 Султон Маҳмуди Ғазнавӣ дар назар аст.