Свеже-Гурне, 0,5 км шарқтар аз мавқеи мо, ба хандаки душман дучор омаданд.

Ба хандақ фаромадан замон чашми Павленко ба навбатдори немис афтод, вале ин дам пайхас кард, ки аз қафо ду нафар фашист сӯи ӯ меоянд. Павленко дар як он қафо гашта, бо кундоки автомат ефрейтори немис Миллер Фридрихро зада афтонд ва даҳонашро маҳкам дошт.

Миллер бо тамоми овоз фарёд зад ва кафи дасти Павленкоро сахт газид. Фашисти дуввум ба ёрии рафиқаш шитофта, бо сарнайза ба Павленко ҳамла овард.
Павленко сарнайзаи фашистро як сӯ ҳаво дода, худ аз дасташ сахт захмдор гардид. Пас аз ин Павленко он ду фашистро ба кунҷи траншея фишор дода, ба онҳо имкони муқобилат надод. Сержантон Барков ва Байгазин рӯ ба гурез ниҳодани навбатдори немис ва ногаҳон аз блиндаж пайдо шудани боз ду нафар фашистонро дида, пайхас намуданд, ки он ду нафар ба Павленко ҳамла овардаанд ва бинобар ин ба мадади ӯ шитофтанд.

Разведкачиён ба оташ кушодани душман нигоҳ накарда, аз он ду фашист якеро ҳалок гардонда, дигарро Павленкою сержант Барков ба сӯи қайиқ кашола карда оварданд.

Асир ба штаби полк супурда шуд, ки ӯ ба фармондеҳони мо маълумоти зарурӣ дод.

Рафиқ Павленко аз моҳи ноябри соли 1942 дар муҳорибаҳои Ҷанги Бузурги Ватанӣ иштирок дошта, борҳо намунаи олии мардонагию ҷасорат нишон додааст.
Дар лаҳзаҳои душворитарини ҷанг ӯ ҳаёти худро зери хатар монда, дар бораи мавқеи душман маълумоти даркорӣ мерасонд. Масалан, 29 апрели соли 1944 дар муҳорибаҳои назди дарёи Туръя рафиқ Павленко ба мавқеи душман рафта, бошишгоҳ ва пункти назорати