кампир зуд тугунчаро кушод, дар ҳоле, ки дастонаш дар ин лаҳза меларзиданд, ӯ гарданбанди нуқрагинеро баровард,— ана, гиред, инро дар давраи ҷавониам мебастам.

Оқсоқол гарданбандро гирифта, дар дастонаш гирд гардонд, оҳ кашид. Ба ӯ чунин намуд, ки кадом вақте ин гарданбандро дар гардани Болчии ҷавон дидааст. Дар ҷавонӣ ӯ чӣ хел зебо буд ва ӯ ҳам кадом вақте йигити чор кас медидагӣ буд!

Ӯ гарданбандро ба пиразан баргардонд. Баъд даст афшонд; бигир бе ягон музддиҳӣ. Ва ҳар дуи онҳо — ҷавони форс ва кампири Болчӣ хурсандона аз дасти якдигар гирифта, зуд аз бозор баромаданд. Гӯё модар бо писар, мисли ду ҷони ҳамхун дар ин укёнуси рег. Ин лаҳза бисёр Блоквилро мутаассир кард, қисмат дар пешонаи ӯ чунин пешомадро навишта буд, гарчанде боз ки медонад.... Охир танҳо худо медонад, ки дар қафои хомаи аввалии рег чӣ бой медиҳию дар қафои хомаи дуввумӣ чӣ меёбӣ...

Блоквил намедонист, ки барои фурӯхта нашудану ба деҳан Гонур бозгаштанаш хурсанд шавад ё ғамгин. Маълум набуд, ки ба Бухоро мегардӣ ё Хева ӯро чӣ интизор буд. Ин ҷо бошад, аз афташ, боз чуқурӣ. Лекин ӯ ҳамаи инро аз сар гузарондааст, фаҳмо аст ва хуллас он қадар даҳшаттовар ҳам нест.

Дар баробари он, ки корвон ба хомаи рег дохил шуд, шафақи ғуруб амиқтар гардида, садоҳо тозатар ба гӯш мерасиданд. Гӯё ҳам замин ва ҳам осмони илнгун оҳанги хотирҷамъонаеро менавохтану акси садояшон атрофро пур мекунад. Аллакай деҳан Гонур намудор шуд, дуртар, дар замини сурхҷатоб галаи уштурон хати пурпечутобу нохоноеро мемонд, донистани маънояш зарур буд. Аз он тақдири ӯ ва мумкин ҳаёташ вобастагӣ дошт. Дар зиндагие, ки ба он бармегардад, ӯро чӣ интизор бошад? Шом зуд фаро расид, равшанӣ нест шуда, торикӣ даррасид. Одамонро акнун дида намешуд, лекин Блоквил аллакай дар бораи онҳо фикр мекард. Дар бораи касе, ки аз Париж, аз Сена... умуман аз дунё бурида шуда, дар ин биёбон афканда шудааст. Офтоб ғуруб кард ва осмон аз ҷониби мағриб тез сурх шудан гирифт, ҷониби машриқияш бошад тира мешуд, дар ким-куҷои канори деҳа сағе аккос зад, бӯи дуд, ҳаловати хонагӣ сӯи худ мехонд. Ва Блоквил ҳис кард, ки имрӯз чӣ қадар монда шудааст.