---

Чаҳор чизро бознатавон овардан: сухани гуфта ва қазои рафта ва тири андохта ва умри гузашта.

---

Аз чаҳор чиз эҳтироз бояд кард: аз шитобу таъҷил, аз хашму ғазаб, аз бухлу имсок, аз уҷбу такаббур.

---

Ҳусни шафаккату меҳрубонӣ монанди калиди заррин аст, ки даричаи дилҳоро ба рўи инсон мекушояд.

---

Эй ки дар банди осоиши хештанӣ, чаро осоишро аз дигарон дареғ медорӣ?

---

Ҷомаи куҳнаро аз худ дур мекунӣ, чаро андешаи куҳнаро аз худ дур намекунӣ?

---

Ту мекўшӣ, ки осудатар аз дигарон бошӣ, ман мекўшам, ки дигарон осудатар аз ман бошанд.

---

Андешаи мард оинаро монад, ки менамояд кори неки ўро аз кирдори зишти ў.

---

Мардумро барои ту наофаридаанд, туро барои мардум офаридаанд.

---

Чаҳор чиз далели бузургист: илмро азиз доштан ва бадро ба некўӣ дафъ кардан ва хашмро фурў хўрдан ва ҷавоб ба савоб додан.

---

Чаҳор чиз оқибати чаҳор чиз аст: оқибати лаҷоҷ– расвоӣ, оқибати хашм–пушаймонӣ, оқибати бадгўӣ– душманӣ ва оқибати коҳилӣ–хорӣ.