Ҳеҷ зиндон ошиқи муштоқро
Тангтар аз суҳбати ағёр нест.
Абдураҳмони Ҷомӣ

Нокастар аз ў кас набувад дар олам,
К-аз дўст ба ҷуз дўст муроде хоҳад.
Абдураҳмони Ҷомӣ

Лаб аз даъвие беҳ, ки дорӣ нигоҳ,
Ки орӣ далелаш зи яксола роҳ.
Абдураҳмони Ҷомӣ
Дар ин дайри куҳан расмест дерин,
Ки бе талхӣ набошад айш ширин.
Абдураҳмони Ҷомӣ

Ҳамчу дида ба сўи хеш мабин,
Хеш аз дигаре ту беш мабин!
Абдураҳмони Ҷомӣ

Бо ду андеша ҷамъ натвон буд,
Бар як андеша бош, то бошӣ!
Абдураҳмони Ҷомӣ

Саг паи луқма чу дум ҷунбонад,
Оқил онро на тавозуъ хонад.
Абдураҳмони Ҷомӣ

Дуд дар хонае, ки роҳ кунад,
Дару девори он сиёҳ кунад.
Абдураҳмони Ҷомӣ

Гар шубон пос надорад рамаро,
Гург аз пой дарорад ҳамаро.
Абдураҳмони Ҷомӣ

Таъна аз кас хуш набошад, гарчи ширингў бувад,
Захми най бар дида сахт аст, ар ҳама найшаккар аст.
Абдураҳмони Ҷомӣ