---

Гирди номи падар чӣ мегардӣ, Падари хеш шав, агар мардӣ!

---

Дар ин олам, аз ҳар чи боистанист, Накўтар зи фарзанди шоиста нест.

---

Фарзанди нағз–боғи падар, Фарзанди бад–доғи падар.

---

Касе, к-ў надорад нишон аз падар, Ту бегона хонаш, махонаш писар!

---

Фарзанд агарчи айбнок аст, Дар пеши падар зи айб пок аст.

---

Фарзанди нохалаф чӣ гуна бошад? Чунон ки ангушти шашум – агар бибуранд, дард кунад ва агар бигзоранд, айб бувад.

---

Некӣ муқаддамтар аз ҳама бо кӣ бояд кард? Дар ҳаққи модару падар.

---

Писандидатарин чизе, ки падарон барои фарзандон бозгузоранд, фарҳанг аст.

---

Касе, ки ба модари худ ҷафо кунад, ба дигарон вафо кунад?!

---

Чаро фарзанди қобил аз падар даҳ сер кам бошад?!

---

Ба ҷавонӣ он ёбӣ, ки дар пирӣ наёбӣ.

---

Дарахти бесамар беҳ аз фарзанди носолеҳ.

---

Хона бо фарзанду саҳро бо одам обод аст.