шудани шири табақро дида, зану шавҳар бо тааҷҷуб ба якдигар мегуфтем: - Чаро писарамон пинҳонӣ шир мехӯрад? Ман хостам инро ба ту гӯям, вале аз андешаи он, ки шарм мекунӣ, худдорӣ намудам. Акнун маълум шуд, ки ин кори ту не, балки кори мори айнакдор будааст.

Дар Осиё морбозон махсусан афсун карда гирифтани мори айнакдорро барои он дӯст медоранд, ки вай назар ба дигар ҳамҷинсонаш ҷасоратноктар буда, дар мавриди вохӯрдан бо душман, ба қавли морбозон, «мардона» рафтор мекунад: яъне намегурезад, ногаҳон ҳуҷум намекунад, балки сарашро аз замин баланд бардошта, аввал огоҳ менамояд ва баъд ҳамла карданӣ мешавад.

Мори айнакдор барои об хӯрдан аз кӯҳ фаромада, дар ҳавлии мо муваққат истода монда будааст, ки он меҳмони нохушро дигар надидем.