НУРИ НИҲОН
Ё Мавлоно, агарчӣ як инсонӣ,
Як нусхаи осмонии Қуръонӣ,
Тавротиву ҳам Забуриву ҳам Инҷил,
Оре, ки яке ҷаҳони бепоёнӣ.
Парвардаи нӯҳ фалак малоик ҳастӣ,
Гар Балхиӣ ё зи Рум ё Вахшонӣ.
Маҳбуби ҷаҳони зоҳириву ботин,
Маъшуқи аёниӣ, вале пинҳонӣ.
Илқогари ваҳдати тамоми мардум,
Тафсиргари ҷаҳони ҷисму ҷонӣ.
Эй сӯфии орифи тасаввуфандом,
Эй марди Худо, инояти кайҳонӣ.
«Пирӯзӣ аз иттифоқ хезад», гуфтӣ,
Пирӯзтарин намунаи ирфонӣ.
«Паркандагӣ аз нифоқ хезад», гуфтӣ,
Дилсӯзтарин вуҷуди пуртуғёнӣ.
Тавҳид шиори хеш кардӣ ҷовид,
З-ин рӯ, ба ҷаҳон ту ҷовидонӣ монӣ.
Раънои Мубориз аз ҳарорат гӯяд:
Ё пири сухан, чаро чунин тобонӣ?
Маҳбуби ҷаҳони зоҳиру пинҳонӣ,
Оре, ки яке ҷаҳони бепоёнӣ.
майи 2007

РАҚСИ САМОЪ
Ёр биё, ёр, садо мекунем,
Рақси хуше баъди сало мекунем.
Рақси тану ақл бапо мекунем,
Рақскунон шӯру нидо мекунем.
Бо кулаҳу ҷомаи сабзат биё,
Яшт бихон, базми сабо мекунем.