Ҳазор авбош афтода қабулаш,
Ба як шоир дусад туршии нўлаш.

---

Сад ғалат дар пеши чашмам ҷилваноз,
Ман хатоҷўйи дусад соли маҷоз.

---

Ҷаҳон хони Симурғ омад маро,
Ки ҳамҷони Симурғ омад маро.

---

Дар навори чашми ман дўзах бубинад ҳусни ту,
Мегазад ангушти оташ пеши пои сабри ман.

---

Дўшизаи афсонаҳо будӣ,
Нутфаи андеша дар батни мағзи ту рехтам,
Ба ҷои зебоии саломи офариниш
Деви сиёҳи кина зоидӣ
Афсўси гавҳари падарӣ гуфтам...

---

Шишаат ҷоми диламро нўшид,
Гул саҳар шабнами мастӣ бардошт.

---

Шеър бод шуд,
Хонанда бодхон
Тафсир бодпарак...

---

Хезоби ҳодиса ба фалак дакка мезанад
Гирдобвор мо ба яке по ситодаем.

---

Якподавӣ омўхт қалам бўсаи ҳарфат,
Тай-тайзани тифли лаби ман қанди лабат буд...

---

Шаҳрҳо курк шуданд,
Курки онҳо накушод ашки равони модар.
Ба сари тухми тафаккур бинишонед саҳар...

---

Дидам лабатро рашкам фурў мурд,
Дандон шикастам дар ҷоми лола.

---

Миллате саг хўрда заҳмат мекашад аз баҳри умр,
Миллати ман лошаи саг шуд барои умри саг.

---

Гуле ки барои бўсаи хуршед лаб кушод
Аз бўсаи ту армон шикаст.

---

Ҷуз шаби Ялдо намепурсид дил,
Аз дили мо камнамотар будаӣ.

---

Ту мерафтиву хуршеди шафақпўш аз замин мехест,
Бад-он шарме, чаро мисли замин дар зери поят нест!

---

Ҷумла олам зиндаву ширин ба рўҳ,
Лек одам аз ғами тан дар сутўҳ.

---

Одамшиканӣ хандабарангез ҷаҳонро,
Аз бутшиканӣ хашми ҷаҳонхез замонро.

---