Худоят зинда зода то ҷаҳонро зиндатар дорӣ,
Ҷаҳонро то кунад зиндон заифӣ аз ту зиндон сохт.

---

Як раҳ назода худро сад қаҳрамон бизоянд,
Шояд ба хешзойӣ з-ин раҳ даре кушоянд.

---

Ба барфи раҳ билағзӣ зуд хезӣ,
Ба барфи сар билағзӣ дуд хезӣ.

---

Чи рустамҳо, ки пушту шонаҳошон,
Зи бори нози як зан варшикаста.

---

Дар домани гул духтари бўяш ба чи нозест,
Хунмасту майи дил ба даҳан, ҷома намозист.

---

Зебоии ту омад ҳамқадди покии тифл,
Ширинии нигоҳат чун қанди лафзи кўдак.

---

Дармондагони Ҳофиз оред рў ба мо низ,
Зардуштро бихонад Исо намози аввал.

---

Намози мурда хонӣ гар дусад сол,
Нагирад ҷойи як оҳи сари ҳол.

---

Дар ҷавонӣ зад ба гардун боди сар умри маро,
Рўзи пирӣ то ба гўри тар барад боди шикам.

---

Балхиён чун нурафрўзӣ кунанд,
Олами шабпўшро рўзе кунанд.

---

Ҷаҳон ҷўгиву бар ҷўгӣ бихандад,
Чӣ ҷўгие Худоро дида ҷўгӣ.

---

Чи сангин хешзоӣ дар ҷаҳолат,
Ки шамшер оварад пайғамбараш низ.

---

Ту аз мулки ҳимоят дар ҳимоят,
Ман аз дори ривоят дар ривоят.

---

Сарҳо ба сарқонун давон,
Поҳо ба поқонун равон.

---

Гуфт Буддо: – «Ту сари хеш сари дори Худо хор макун!»
Мағзи худ мо ба дили тобаи рег афкандем.

---

Ҳар киро бардоштам бар сар замингирам намуд,
Дўстони ман ҳама чун бодаи сахт омада.

---

Бар хеш чӣ гирйӣ зи бурун бо лаби сад кин,
Дар хеш даро, бо ду ҷаҳон ханда бароӣ.

---

Дар диле, ки ишқ бозоре накард,
Зиндагӣ бехуд мазоре меканад.

---