---

Гуфта будам, ки шавам шаҳрию як шаҳри тафаккур,
Шаҳр аз пунбазиёӣ, нигарам, саҳроест.
Мезанам боз каланди қалами деҳқонӣ,
Вақти об аст ба мағз, оби сафо пайдо нест.

---

Панҷа бар ожанги рў молид,
Гўри ҳусни мурдаро нолид.

---

Аз ҷисми ту то ишқи ту роҳи сафедам мебарад,
Наврўзи нурам мекашад, рўъёи идам мебарад.

---

Хубон чи зиёданд, вале шуллазада,
Бадхў чи каме, лек аҷаб шўълазада.

---

Бишкуфад то хуни ранги зиндагӣ,
Гул бирўёнам зи санги зиндагӣ.

---

Зи бешавҳарӣ ҷонаш оташ гирифт,
Ки бо ҳар кӣ дар хона буд, ғаш гирифт.

---

Одам шудани маймун афсонамиҷоз омад,
Маймун шудани одам дар дида фароз омад.

---

Танаш аз дил, дилаш аз тан бинозад,
Кӣ дида зан зи ҳусни зан бинозад.

---

Оби дунё лой шуд,
Моҳиён дигар куҷо?
Ҳам наҳангон кўр монда,
Эй Аноҳид,
Шустушўи обро чашме кушо…

---

Ишқҳо дорам зи дунёи дурўғ,
Рост мегирад аз ин гулхан фурўғ.

---

Гуфтам:
– Дидӣ, ки аз ҷўши шавқ гул шукуфт.
Гуфт:
– Надидӣ, ки як даҳан хандид Ва бо як ханда хазонро ба доман чид.
Гуфтам:
– Кадом хор начид?

---

Хамўшӣ на даҳан дорад на шикам,
Вале ҳамаро бо ғавғоҳошон фурў мебарад.
Ва на мебинияш, на мешунавияш.

---

Ҳар сол
Танҳоӣ ва хомўшии дарахтҳо
Мева мешаванд,
Ва дарси сўфӣ медиҳанд.

---

Гулҳо
Хандаи поки худро
Танҳо ба тифлон тўҳфа меоранд.