– Бигзор!
Аз гармии нафасат,
Зимистони сармозада баҳор мезояд.

---

Пари маънӣ шикаста дар суханҳо,
Суханкуш аз луғат дорад кафанҳо.

---

Қаҳрамонҳои асарҳо устухону решаанд,
Қаҳрамони мурдае хоншон, ки беандешаанд.

---

Нашавад ростии мо сари ин пояи паст
Ки дурўғи дигарон ростии мо бихўрад.

---

Сўйи дил кўрӣ дошт,
Камбағалзўрӣ дошт.

---

Таърих карда тороҷ омад сари бузургон,
Аз ғорати заминҳо омад сари забонҳо.

---

Ҷумлаи паямбарону бузургон
Бисёр ҷон ба гарав заданд,
То бузургии Худоро
Ба Худо шиносонанд,
Асаре напазируфт,
Зеро Худо «ман» надошт…

---

Хатоҷўӣ макун дар куштани ман,
Намирад то Худо ман ҳам намирам.
Барои Гулчеҳра Содиқова

Як чеҳраи Гул бубину ин бори Фалак
Аз чеҳраи гул шукуфта бин кори фалак.
То чанд кашӣ нола ту аз дори фалак,
Чун тори кафаш маст шав аз тори фалак.

---

Пайравон худкушони худ бошанд,
Душмани рўҳу ҷони худ бошанд

---

Лаъли анорхўрдааш ваъдаи бўса медиҳад,
Медиҳадам ба ваъдаҷо ашки анорхўрдаро.

---

Замину осмон дар ҷўши шаҳват,
Чи сар хоҳад бигирад дар итоат?

Муқаддас:

Гар гулўшўи гул омад офу об,
Шўяд овозат гулўи офтоб.

Хурмо:

Аз гулўи гул ба гардун пар бубаст,
Дар гулўи нур овозат нишаст.

Тоҷиддин:

Даҳони гул кушод об аз садоят,
Гумон бурданд шабнам рўи гул рехт.