Дук-дуки дук
(Ба оҳанги ҳазл)

Дилам дорад ба роҳат дук-дуки дук,
Зи ёди рӯи моҳат дук-дуки дук.
Ҳазорон шиква дорад андарунам
Зи чашмони сиёҳат дук-дуки дук.
Кунад шодӣ чу тифли қанддида
Зи лутфи гоҳ-гоҳат дук-дуки дук.
Ҳамехоҳад бигирад бӯсае чанд
Зи лаъли бӯсахоҳат дук-дуки дук.
Шавад мурғу парад сӯят, ки гӯяд
Саломе ҳар пагоҳат дук-дуки дук.

Ҷӯрта-ҷӯрта

Равам пешат, нигоро, ҷӯрта-ҷӯрта,
Ки гӯям рози дилро ҷӯрта-ҷӯрта.
Зи ту ман шиква дорам дар дили худ
Аз ин ҷо то Бухоро ҷӯрта-ҷӯрта.
Ба умеде, ки аз ман мешавӣ ту,
Кунам бо ғам мадоро ҷӯрта-ҷӯрта.
Ту ахтар гаштаӣ, з-ин рӯ шабона,
Нигаҳ созам ҳаворо ҷӯрта-ҷӯрта.

Диле дорӣ…
(Барои ҳофиз Шокири Қодир)

Диле дорӣ, аё Шокир,
Ки дар он сӯзу созе ҳаст,
Шукуфтанҳои розе ҳаст,
Садои рӯзгорон аст,
Нидои обшорон аст.

Туро илҳоми саршор аст чун рӯди Ниёб имрӯз,


Рўди Ниёб номи дарёест дар мавзеи Даштиҷум.