Кӯҳҳо

Дар дили сангҳои кӯҳистон
Розҳои нуҳуфта бисёранд.
Ҷо гирифта канори ҳамдигар,
Кӯҳҳо ҳам ғаму фараҳ доранд.

Рӯзу шаб рӯи шонаи кӯҳсор
Моҳу хуршед лона мемонанд.
Аз хати дар ҷабинашон буда
Хатшиносон чи қиссаҳо хонанд.

Мо чу фарзандҳои кӯҳистон
Бояд аз кӯҳ панд омӯзем.
Дасти ёрӣ ба ҳамдигар дода,
Оташи меҳр дар дил афрӯзем.

Мардӣ

Нест мардӣ ин ки аз қанди касон
Мекунӣ ҳар лаҳза ширин комро.
Ҳамчу сӯзан пеша кун мардонагӣ,
Бош урёну бипӯшон омро.

Рӯшноӣ

Зиндагӣ чун пилта метобад маро,
То бисӯзам дар чароғи ғам, мунаввартар шавам.