БО ЁДИ ТУ...

Ман зиндаам бо ёди ту,
Бо ёди рӯи шоди ту.
Аз дур сӯи хештан
Дорад дилам фарёди ту.

Бо ёди ту ман зиндаам,
Бо ёди ту ман зиндаам!

Бо ёди ту ман ҳар саҳар
Аз хона берун меравам.
Ҷӯяд туро чашмони ман,
Ҳар сӯ ҷигархун мешавам.

Бо ёди ту ман зиндаам,
Бо ёди ту ман зиндаам!

Бе ёди ширинат нафас
Талх аст дар ҷону танам.
Бошам агар бе ёди ту,
Ҳастии худ оташ занам.

Бо ёди ту ман зиндаам,
Бо ёди ту ман зиндаам!

Бо меҳр, эй меҳроби дил,
Сӯи ту меорам суҷуд.
Бе ёди ту дар ин ҷаҳон
Дигар надорам ман вуҷуд.

Бо ёди ту ман зиндаам,
Бо ёди ту ман зиндаам!...