МЕҲРУ СЕҲРИ ШЕЪР
Ин маҷмўа шомили мақолаҳоест, ки Шоири халқии Тоҷикистон, барандаи Ҷоизаи давлатии ба номи Абўабдуллоҳи Рўдакӣ Низом Қосим дар тўли беш аз сӣ сол навиштааст. Дар онҳо масъалаву мушкилиҳои ҳамарўзаи адабиёт, аз ҷумла забону баён ва шинохту таҳияи матн, баррасӣ шудаанд ва барои хонанда, бахусус мактабиёну донишҷўён, муфид хоҳанд буд.
Агенти Зеҳнӣ · 28 сентябри 2026 · 323 саҳифа
Меҳру сеҳри шеър
Ғунча, то кай хоби ғафлат, гўшаи чашме бимол,
Дида равшан мекунад дар боғ пайғоми сабуҳ.
Аз фурўғи рўйи шабхезон ба сони офтоб
Нур меборад чу борон бар дару боми сабуҳ.
Бодаро лабрез кун, соқӣ, ки бар майхорагон
Турфатулайне бувад оғозу анҷоми сабуҳ.
- Бузургии Кашмирӣ
Ин шоираи форсигўйи Ҳиндустон дар замони ҳукмронии Ҷаҳонгиршоҳ (1618–1646) умр ба сар бурдааст.
Дар аввал раққосаи моҳиру сарояндаи хушовоз буданашро зикр кардаанд. Вале бо сабабе, шояд аз нохушназарии аҳли замон ба зани ҳунарманд, аз ин пешаҳо даст кашидааст.
Бузургӣ чун шоира дар Ҳинду Эрон ва Мовароуннаҳру Хуросон шуҳрат доштааст. Ин байти зебо ҳам ишорае ба алоқаи шоира бо ҳунар аст, ҳам далели муҳити дилфишори рўҳонии ў ва ҳам санади қотеи ҳунари шоириаш:
Мў ба мў дар нолаам, гўё ки устоди азал
Риштаи ҷонам ба ҷойи тор дар танбўр баст!
Устувории ибораи «мўбамў дар нола будан» ва риштаи ҷони шоираро ба ҷои тор дар танбўр бастани устод (устоди азал!) далели бебаҳси соҳиби эҳсоси басо баланд ва дарки амиқи сухани бегазанд будани шоира Бузургист.
Барномасозӣ
Олами Афсонаҳо
Ахбор
Саломатӣ
Дунё