ОРИЁҲО КАЙ БА ҲИНДИ ҚАДИМ ОМАДАНД?

Мувофиқи ривоятҳои ведой қабилаҳои орией аз шимол (ҳудуди имрӯзи Осиёи Мар-казӣ) ба водии Синд (Панҷоби кунунӣ) ворид гардида, баъдтар ба водиҳои дарёҳои Ҳинду Ганг паҳн шудаанд. Маҳалли зиндагии ориёи-ҳоро дар Ҳинд Ориёварта (Хоки муқаддаси ориёиҳо) меномиданд. Минбаъд ориёиҳо дар саросари нимҷазираи Ҳиндустон паҳн гашта, бо тамаддунҳои маҳаллии Ҳараппа ва Мо-ҳенҷодаро омезиш ёфтанд. Мавҷи ҳаракати ориёиҳоро ба Ҳинд олимон солҳои 2500-1500 то милод тахмин кардаанд. Тамаддуни Ҳинди Қадим бо тамаддуни Эрони Бостон монандӣ зиёде дорад, ки онро ҳангоми муқоисаи «Ве-даҳо»-и ҳиндӣ бо китоби «Авесто» мушоҳида намудан мумкин аст.

ҲИНДУҲО БА КАДОМ ЗАБОН ҲАРФ МЕЗАДАНД?

Бо паҳншавии ориёиҳо инти-шори тамаддуни орией ва забон-ҳои ҳиндуэронии дар Ҳинди Қа-дим, бахусус водии дарёҳои Ҳин-ду Ганг нуфуз пайдо кард. Дар марказ ва ҷанубу ғарби Ҳинд қабилаҳои дравидзабон маскун буданд, ки расму ойин ва тамад-дуни худро то андозае нигоҳ доштанд. Қабилаҳои таббатию бирмагӣ ва мунда дар қисмати шимолу шарқи ин сарзамин ба онҳо мансубанд.