ШАРТНОМАИ ЗИРАБУЛОҚ БАРОИ РУССИЯ
ЧӢ АФЗАЛИЯТҲО ДОД?

Соли 1868, баъди муҳорибаи сахт ва охирини Аморати Бухоро бо Россия дар мавзеи Зирабулоқ амир Музаффар шикаст хӯрда, байни Россия ва Аморати Бухоро шартнома имзо шуд, ки мувофиқи он заминҳои забтнамудаи русҳо бо шаҳрҳои Хуҷанд, Ӯротеппа, Самарқанд, Панҷакент, Ҷиззах ва Каттақӯрғон таҳти васояти Россия қарор гирифтанд.
Мувофиқи шартномаи 23 июни соли 1868 амири Бухоро вазифадор шуд, ки ба болои даст кашидан аз заминҳои забтнамудаи лашкари рус боз 125 ҳазор суми тило (500 ҳазор суми русӣ) товони ҷанг диҳад. Инчунин, аз хоки Бухоро хати телефон гузаронида, ба тоҷирони Россия имкони дар сарзамини аморат озодона тиҷорат карданро диҳад, дар рӯди Ому ба киштигардии Руссия мамоният накунад. Аз рӯи ин шартнома ҳуқуқи амир барои мустақилона ҳал намудани муносибатҳо бо кишварҳои ҳамсоя маҳдуд гардид.