БОҒИ МОМАИ АНГУР

Ҳамчу ғул-ғули тӯе
Як сатил ҳаёхӯе,
Бозии карашқӯе,
Боғи момаи ангур.
Дам ба дам пур аз хиш-хиш,
Дам ба дам пур аз киш-киш,
Даҳ сабад пур аз кишмиш,
Боғи момаи ангур.
Хӯшае агар пухтаст,
Хӯшаи дигар пухтаст,
Дар дами саҳар пухтаст
Боғи момаи ангур.
Як шабе ту бо маҳтоб,
Як шабе ту бо шабтоб,
Бӯи мева пеш аз хоб
Боғи момаи ангур.
Ёди сабзи тобистон,
Ёди сабзи токистон,
Ёди сабзи Сӯфиён1
Боғи момаи ангур.

1 Қишлоқи Момаи ангур