ХОБИ АСОҶОН ГУРЕХТ

Аз куҷо шарфаи по,
Аз куҷо доду мағал?
Кӣ дар кӯча медавад
Кафшҳояш дар бағал?

Кӣ метозад?
Хоб аст ин!
Хоби Асоҷони мо
Имшаб гурехтаст он,
Асоро дода «ҷазо».

Асоҷон гиря дорад:
— Оҷаҷонам, куҷоед?
Зуд наздам биёед,
Хоби маро биҷӯед!

Ҳама дар хона бедор,
Ҳама дар хона ҳайрон.
Хоби Асо куҷо рафт?
Охир, дар кӯча борон...

Асои мо гирифтаст,
Дар мактаб баҳои «ду»,
Гурехт аз ин сабаб
Хобаш ранҷида аз ӯ.