ШАҲЛО

Коре агар фармоед,
«Не» намегӯяд асло,
Ҳатто аз кори душвор
Рӯ наметобад Шаҳло.

Дидадаро, рамзфаҳм,
Духтари доно Шаҳло.
Ба меҳнатдӯстии худ
Ба дидаҳо ҷо Шаҳло.

Фаҳрида гӯяд бибиш:
– Шаҳло монандӣ худам,
Дар ҷавонӣ мисли ӯ
Духтари чаққон будам.

Падар гӯяд: – Шаҳлоҷон
Як дам бекор нашинад,
Умракаш шавад дароз,
Дасташ дардро набинад.

Аммо аз Гулрӯи танбал
Норозӣ хурду калон,
«Ин ба кӣ рафта бошад»
Гуфта мешаванд ҳайрон.