БАҲОНАИ БЕМАВРИД

Рӯзе амаки Салим писаронаш Аҳмаду Маҳмудро ба лат кардан даромад. Аҳмаду Маҳмуд аз кори падарашон ҳайрон шуда, пурсиданд:

• Дада, барои чӣ моро мезанед?
  Падар:
• Имрӯз ду бача ба оббозӣ рафта, ғарқ шудаанд, барои ҳамин шумоёнро мезанам.
  Аҳмаду Маҳмуд ҳайрон шуда гуфтанд:
• Охир, мо ба оббозӣ нарафтаем-ку, барои чӣ моро мезанед?
  Падар чунин ҷавоб дод:
• Агар шумоён ба оббозӣ рафта ғарқ мешудед, баъд ман киро мезадам?

ОФТОБ АЛАКАЙ БАРОМАДАСТ

• Офтоб аз кадом тараф мебарояд? — пурсид муаллими ҷуғрофия аз Шӯҳрат.
• Намедонам, вақте ки ман аз хоб мехезам, мебинам, ки офтоб алакай баромадааст.