Бо супориши рӯзнома лозим буд, ки ба ягон корхона телефон карда, бифаҳмам, ки имрӯз дар бобати ба кори ҳафтсоата гузаштан чӣ хел тайёрӣ рафта истодааст. Аммо тасодуфан ба телефони 17-12 афтодам.

— Агар бемалол бошад, ба чунин саволи мо ҷавоб медодед: имрӯз дар идораи шумо чӣ воқеаи қобили қайд рӯй дод?

— Мисли ҳаррӯза.

— Яъне?

— Сездаҳ духтару нӯҳ писар.

— Чӣ? Чӣ?

— Ба шумо гуфта истодаам-ку: сездаҳ духтару нӯҳ писар. Аз дирӯза якто зиёд.

Ба гумони ман чунин расид, ки 13 духтар ва нӯҳ писар планро барзиёд иҷро кардаанд. Бинобар он такроран пурсидам:

— Чанд процентӣ иҷро шуд? Номи онҳо чӣ?