ЗИНДА МЕБАРОЯД Ё НЕ

Як бача филми «Чапаев»-ро чордаҳ бор дидааст.
— Барои чӣ ин филмро ин қадар бисёр дидӣ? — пурсидааст муаллим.
— То ягон бор бубинам, ки оё вай баъди тирборони душманон ба он тарафи соҳил зинда мебарояд ё не.

ХУНУК ДАСТУ ПОЙ ДОРАД?

— Ба кӯча набаро, ки хунук мезанад!
— Хунук ҳам дасту пой дорад?

МОҲОНА

— Дадаҷон, моҳонаро аз куҷо мегиред?
— Аз идора.
— Не, аз идора не, аз моҳ мегиред...

ИВАЗ МЕКУНЕМ

Модари Толибҷон аз таваллудхона бо духтарчаи навзодаш ба хона баргашт. Толибҷон аз модараш пурсид:
— Ин духтарчаро аз куҷо овардед?
— Аз магазин, писарам,— шӯхиомез гуфт модар.
— Биёед, ба магазин бурда медиҳем.
— Барои чӣ, Толибҷон?
— Ба писараш иваз мекунем.