Эй ҷону рӯшноӣ, беҳ з-ин ҳамебибояд:
Ту барканор аз мо, мо – дар миёни корат.

Бо мо-т дарнагирад, моему ними ҷоне,
Ё марги ҷон гузинам, ё васли хушгуворат.

Гар бахт даст гирад в-ар умр пой дорад,
Як бори дигар, эй ҷон, гирем дар канорат!

---

Дар ҳама олам вафодоре куҷост?
Ғам бахирвор аст, ғамхоре куҷост?

Дарди дил, чандон ки гунҷад дар замир,
Ҳосил аст аз ишқ, дилдоре куҷост?

Гар ба гетӣ нест дилдоре маро,
Мумкин аст аз бахт, дил боре куҷост?

Андар ин айём дар боғи вафо
Гар намерӯяд гуле, хоре куҷост?..

Дар ҷаҳони ошиқон бинам ҳаме:
Як ҷаҳон бекори бокоре куҷост?

---

Ғами ишқи ту аз ғамҳо наҷот аст,
Маро хоки дарат оби ҳаёт аст.

Намехоҳам наҷот аз банди ишқат,
Чи банд аст он, ки хуштар аз наҷот аст!

Маро гӯянд: роҳи ишқ маспар,

Ману савдои ишқ, ин турраҳотаст!..

Дилу дин мебарию аҳду қавлат
Чу ҳолу кори дунё бесубот аст.

Иноят бар сари ҳаҷрат ба оийн
Ҳам аз ҷаври қадиму ҳодисот аст.

Хирвор, харвор – зиёд.