корпоративӣ доштани менеҷмент, зинаҳои баланди касбии хешро доро будани роҳбарон, равияи аниқи касбӣ доштан ва устоди касб будани роҳбар, маълумот, дониш ва ҳунари волои касбӣ доштани менеҷмент.

908. Ҳунари баланди касбӣ дар менеҷмент — ҳунари кордонӣ ва тарзу усули иҷрои кор, фикрронии эҷодӣ ва эҷодкории касбӣ дар менеҷмент, мақсадгузории касбии маълумотнокӣ ва нишонагирӣ ба қуллаҳои баланди касбнокӣ, мустақилона ба танзим даровардани фаъолияти касбӣ.

909. Талаботҳои рӯҳию маънавии касбии хештаншиносӣ — омӯзиши ҳолати рӯҳӣ вобаста аз касб, таҳлили рафтори рӯҳии одамон, ташкили гуфтушуниди касбӣ ва сухандонии касбӣ, донистани мушкилиҳои рӯҳии роҳбарӣ, тарзи фикрронӣ ва қабули қарори роҳбарӣ, кордонӣ ва қавииродагии устувори касбии сарварӣ.

910. Талаботҳои зинавии хештаншиносии касбӣ — қонуниятҳо ва талаботҳои олии хештаншиносиро доро будан, дарки интихоби фаъолият ва рафтори касбӣ, дӯстдории волои фаъолияти касбӣ, соҳиби ҳунар ва хиради баланди касбӣ, дарки пурраи фалсафии фаъолияти касбӣ.

911. Нишонаҳои расидан ба хештаншиносии роҳбарӣ — донишмандӣю хирадмандӣ, гуфтор ва фикрронӣ, нигоҳдории асабу чашму рӯҳи худ, покии ботинию зоҳирӣ, тарзу усули сарварӣ, тарзи муомила ва боварии касбӣ, эҳтироми ҷомеа ва арзишҳои миллию умумибашарӣ.

912. Нигоҳи Луқмони Ҳаким ба хештаншиносии роҳбарӣ — аз Луқмон пурсиданд, ки кадоме аз сарварон аз ҳама зиёд ба дониш эҳтиёҷ доранд? Гуфт: сарваре, ки дониши баланд дорад. Пурсиданд, чаро? Гуфт: хатое ки сарварон зоҳир мекунанд, азобаш хеле вазнин аст ва ин масъулиятро танҳо роҳбаре дарк менамояд, ки дониши баланд дошта, ба зинаи хештаншиносӣ расида бошад.

913. Роҳи хештаншиносии роҳбарӣ — ба зинаи хештаншиносӣ ҳамон сарваре расида метавонад, ки фақат ва фақат дар замири ӯ қонуниятҳо ва нишонаҳои хештаншиносӣ ҷой гирифта бошанд.

914. Этикети сарвари хештаншинос — ҳақиқатпарастӣ, ростгӯию ростқавлӣ, муносибати ҷиддии касбӣ, дур будан аз ҳама гуна фиребгарӣ, кинаю адоват, ба одамон ғамхор будан, кушодарӯй, ҳалим, бахшоянда, меҳрубон,