дастовардҳои зеҳнии одамон мебошад, ки дар доираи маънавӣ ба вуҷуд омадааст.

Мо низ тарафдори ақидаи дуввум буда, маданиятро ҳамчун сарчашмаи пайдоиши ақида, ихтирооту кашфиёти техникаю технологияи нав ва воситаи асосии таъминоти талаботи ташаккули менеҷменти замонавӣ ва хештаншиносии роҳбарӣ меномем. Маҳз, тавассути инкишофи технологӣ имконоти роҳбарӣ боз ҳам вуҷуд гардида, менеҷмент аз ҳар гуна маҳдудиятҳои ахборию минтақавӣ ва вақтию вақтӣ раҳоӣ меёбад. Дар натиҷа, соҳаи мадании навин пайдо мегардад, ки аз ҳар гуна маҳдудиятҳои кӯҳна дур ва дорои хусусияти хоси навини худ буда, даъвои талаботҳои баланди хештаншиносии роҳбарӣ менамояд. Истифодаи техникаю технологияи навин дар истеҳсолот зинаи маданияте мебошад, ки аз ҳар як роҳбар боз дониши баланди касбию технологӣ талаб намуда, суръати ҳаракати ахбори менеҷментро хеле афзуда, ҳосилнокиро баланд мегардонад. Оиди имконоти ташкили системаи асаби электронӣ мо дар қисми 3-юми китобамон гуфта гузаштаем. Бояд гуфт, ки вақте мо сохтмонҳои азимеро, ки ба воситаи техникаю технологияи навин сохта шудааст, мебинем, ҳеҷ ба ақли хеш бовар намекунем, ки чунин сохтмон имкон дорад. Аз дигар тараф, сарватмандшавии бемайлони ташкилоту идораҳои истифодабарандагони технологияи пешқадам гувоҳи он аст, ки маҳз инкишофи мадании техникӣ метавонад асоси хештаншиносии роҳбарӣ ва ташаккули менеҷменти асри XXI гардад.

Инчунин маъно дорад, ки имрӯз мазмуни меҳнат дигар шуда, ба кормандон дигар музди меҳнат не, балки шакл, мақсад, мазмун ва натоиҷи меҳнаташон бештар зарур буда, соҳибкорӣ асоси рафторӣ ва хештаншиносии кормандону роҳбарон бояд гардад.

Соҳибкорӣ дар навбати худ на фақат ба даст овардани фоида, балки роҳи асосии амалӣ гардонидани қобилияту имконоти фардӣ мебошад. Дар натиҷа, қоидаҳои универсализатсиякунонии мадании фаъолият ба миён омадаанд, қариб дар аксари ҷаҳон паҳн гаштааст ва аслан, тағйироти зеринро дар истеҳсолоти Тоҷикистон ворид сохтаанд:

1. Иваз гаштани стандартсозии собиқи Шӯравӣ ба гуногунрангӣ ва гуногуншаклии муносибатҳои истеҳсолию иқтисодӣ, ки ба истеъмолот,