Дили ойинабанд

Хаёли хуфтаам хезад, ки марг аст.
Баҳорам рафту омад тирамоҳам,
Ҷавонӣ сахт бистезад, ки марг аст.

---

Нишинам дар лаби дарёи Варзоб
Канори духтари зебои Варзоб.
Ба дарёи дили ҳам ғарқ гардем,
Намояд рашк бепарвои Варзоб.

---

Туро ойинаам зебо шиносад,
Ба ҳусни хештан якто шиносад.
Маро бо дарди ту бишнохт гӯре,
Туро бо шеъри ман дунё шиносад.

---

Маро аз ғуссаву ғам мераҳонӣ,
Маро ҳатто зи ман ҳам мераҳонӣ.
Дар оғӯши кушодат ҷон диҳам, кош,
Ки аз тангии олам мераҳонӣ.

---

Бихон ҳар мисрае, ки ман навиштам,
Дар он пайдост рози сарнавиштам.
Ту чун африштаиву пеши ман мон,
Ки ман як зодаи урдубиҳиштам...

---

Насибам шуд, ки оям манзили ту,
Ба поси қимати обу гили ту.
Миёни Панҷакенту Панҷ, эй дӯст,
4
Бувад роҳ аз дили ман то дили ту!

4
Барои шоир Садриддин ҲАСАНЗОД