Садои дуруду
Нидоҳои табрик
Зи ҳар сӯ ба гӯшҳо
Зи дуру зи наздик

Ҳаме ояд инҷо
Дар ин соати лоязолӣ
Валекин дар ин маҳфили гул
Дар ин иди Фирӯз
Дар ин базму мавҷи нигоҳӣ
Дар ин баҳри чашмаҳои пур аз зиндагонӣ

Фақат аз нигоҳи ту
Оташ ҳамеҷаст
Ва чун барқи хотиф
Дурахшон, фурӯзон
Ва з-он барқи чашмон
Ҳама ин нигоҳҳои ҳандон
Зиёи дурахши худ
дода аз даст

Дар ин нургоҳи ҳаёти самовӣ...
Фақат чашми ту
Он нигоҳи пур аз сеҳр
Ҳаметофт чун ахтари бахт,
Ҳайҳот,
Зи ман дур буд
Чун маи осмонӣ

(23 март, 1982, Боку)

Рӯзе пурсидам, роҳи дур меравед?
Ҷавобаш ин буд:
“Роҳи дур меравӣ?”- гуфтам
На, на.