вазифаҳои стратегии ҶСК «Фурудгоҳи байналмилалии Душанбе» ба рушди тамоми иқтисодиёти кишвар таъсири мусбат мерасонад. Аз ҷумла, татбиқи муваффақонаи лоиҳаи мазкур имкон медиҳад, ки манбаъҳо ва имконоти сармоягузорӣ ба иқтисодиёти ҷумҳурӣ бештар шуда, лоиҳаҳои азими минтақавии самтҳои нақлиёти автомобилӣ ва роҳи оҳан дастгирӣ карда шаванд. Дар баробари ин, ҷойҳои нави корӣ ташкил гардида, рушди инфрасохтори нақлиёт, бизнеси хурду миёна таъмин ва ҳиссаи ширкатҳои маҳаллии ҳавопаймоӣ дар бозори ҷаҳонӣ зиёд карда шавад.

Терминали нави боркашонӣ ҳамчунин имкон медиҳад, ки ҷараёни боркашонӣ тариқи ҳавопаймоҳо ба маротиб афзуда, ширкатҳои байналмилалии авиасионӣ ба ҳамкорӣ ҷалб ва содироти маҳсулоти саноативу кишоварзӣ ба маротиб зиёд карда шаванд.
Ҳамчунин барои хатсайрҳои транзитӣ шабакаи хатсайрҳои гуногунсамт ташкил гардида, ҷумҳурӣ аз бунбасти коммуникатсионии боркашонии ҳавоӣ пурра раҳо ёфт.