хатсайрҳои навро ба нукоти гуногуни олам мекушоем. Азм дорем, хати парвозро аз таъмири асосӣ барорем, шароитро дар ин самт беҳтар кунем. Терминали байналмилалиро аз навсозӣ карда, онро барои қабул ва гусели 600 мусофир мувофиқ гардонем. Аз ин сабаб, мо бояд дастгоҳҳои махсуси хизматрасонӣ дастрас намоем. Дар фурудгоҳ васл намудани таҷҳизоти нави таъминкунандаи парвозу фурудоии ҳавопаймоҳо дар назар аст. Дар хати парвоз насби чароғакҳои нав, хариди таҷҳизоти ҷадид барои хадамоти бехатарӣ аз аҳдофе ба шумор мераванд, ки онҳоро дар муҳлатҳои мувофиқ ҳал хоҳем кард.

Ҳамчунин мақсад дорем ба ободонӣ ҳам дар оянда диққати ҷиддӣ дода, дар саҳни ҳавлии беруни фурудгоҳ боғи фароғатӣ бунёд намоем. Ҳадаф он аст, ки мардум ҳангоми истиқбол ва гусели мусофирон вақти холиашонро дар шароити созгор сипарӣ кунанд. Инчунин азм дорем дар ҳудуди фурудгоҳ эъмори меҳмонхонаро оғоз кунем. Ин ҳама ниятҳои нек баъди ташрифи Пешвои миллат муҳтарам Эмомалӣ Раҳмон ва бо дастуру супоришҳои Ҷаноби Олӣ дар нақшаи кории мо ворид шуданд. Хуллас, бо амалӣ намудани ҳадафҳои дарпешистода фаъолияти ҶСК «Фурудгоҳи байналмилалии Бохтар» ва дар радифи он авиацияи