париши монанд ба делтаплан, рассом ва олими итолиёвӣ Леонардо да Винчи (асри XV) худи делтаплан, олими турк Ҳазарфан Аҳмад Чалабӣ (асри XVII) асбоби худсохти қанотдор, бародараш Логарӣ Ҳасан Чалабӣ шабеҳи ракета сохта, парвозро то масофаи 300 метр баландӣ ва қариб 3000 метр ба дарозӣ анҷом доданд. Логарӣ барои парвози худ борутро ҳамчун ҳаракатдиҳандаи муҳаррики сунъӣ истифода карда, бо қанотҳои худсоз мисли Дедалу Икар аз баландии 300 метр бе ягон осеб сиҳату саломат ба замин фуромад.

Дар асрҳои XVII-XVIII Франческо де Лана - Тертси ва бародарон Жозеф Мишел ва Жак Этйен Монголфие кӯшиши сохтани дирижабл карданд. Соли 1852 бо заҳмати Анри Жиффар ва соли 1884 Шарл Ренар ва Артур Кребси фарангӣ зимни истифодаи муҳаррикҳои буғиву электрикӣ дирижаблҳоро санҷиданд.

Дар асрҳои XVIII - XIX кӯшишҳои ихтирои ҳавопаймое, ки тавассути муҳаррикҳо парвози аэродинамикиро сурат медод ва ба истилоҳи имрӯза метавон онҳоро воқеан ҳам ҳавопаймо номид, ба амал омад ва соли 1843 Уилям Хенсон патенти ихтирои ҳавопайморо гирифт. Аввалин дастгоҳҳои ҳавопаймоии мушобеҳи ҳавопаймоҳои имрӯзаро Николай Афанасевич Телешов соли 1864 ва Жан Мари