ПАДАР БА НОМИ ТУ МАН МАШҚИ
ҲУНАР МЕКУНАМ

Падар ба номи ту ман машқи ҳунар мекунам,
Бо шеваву сабки ту тарона сар мекунам.

Шамъи ҳаёти ту мурд, лек ба лутфи қадар,
Равшан чароғи туро бори дигар мекунам.

Вақте ба меҳан расам ба хоки ту сар ниҳам,
Санги мазори туро зи гиря тар мекунам.

Ганҷи ҳунар мондай аз бари мардумат.
Ҳадя ба ин хирвор лаълу гуҳар мекунам.

Дар нолаам овози туст, нағмаи ман сози туст,
Машқи садои туро шому саҳар мекунам.

Таронаи Аҳмад Рашод Зоҳир ба ёди падараш. Муаллифи матн маълум нест.