Тоҷикистон "Дар бораи иттифоқҳои касаба" дарҷ ёфтааст. Иттифоқҳои касаба ва мақомоти онҳо назорати ҷамъиятии риояи меъёрҳои қонунгузории меҳнатро аз болои корфармоён ва намояндагони онҳо (директори генералӣ, директор, роҳбари дигар) амалӣ мекунанд.

Принсипи таъмини ҳуқуқи кормандон барои иштирок дар идоракунии ташкилот. Принсипи мазкур дар асоси муқаррароти Тавсияҳои ТБМ № 94 "Дар бораи машваратҳо ва ҳамкорӣ байни корфармоён ва кормандон дар сатҳи корхона" (1952), №129 "Дар бораи муносибатҳои байни маъмурият ва кормандон дар корхона" (1967) дар КМ ҶТ таҳия шудааст, ки он ҳам ҳуқуқи кормандонро барои иштирок дар идораи ташкилот мустақиман ё тавассути мақомоти намояндагии онҳо ва шаклҳои иштироки онҳоро пешбинӣ менамояд. Ҳамзамон, ин принсип дар моддаҳои алоҳидаи КМ ҶТ, ки шарикии иҷтимоӣ дар соҳаи меҳнатро фаро мегирад, ифода ёфтааст.

Принсипи якҷоякунии танзими давлатӣ ва шартномавии муносибатҳои меҳнатӣ ва дигар муносибатҳо ба онҳо бевосита. Ин принсип дар меъёрҳои КМ ҶТ вобаста ба сатҳи танзим ифода ёфтааст. Дар сатҳи давлатӣ ҳуқуқҳои муайяни меҳнатӣ ва кафолатҳои татбиқи онҳо муқаррар карда мешаванд. Дар сатҳи коллективӣ-шартномавӣ онҳо мушаххасу илова шуда, шароити мусоидтари кор муқаррар карда мешавад, имтиёзҳои иҷтимоӣ ва кафолатҳои дигар дар шартномаҳои коллективӣ ва созишномаҳо пешбинӣ