Меҳнат асосан татбиқ намудани самтҳои асосии сиёсати давлатӣ оид ба ҳифзи меҳнат, дар доираи салоҳияти худ қабул намудани санадҳои меъёрии ҳуқуқӣ оид ба ҳифзи меҳнат, муайян намудани асосҳои идоракунии давлатии ҳифзи меҳнат, мусоидат ба таҳия ва татбиқи барномаҳои мақсадноки ҷумҳуриявӣ, соҳавӣ ва минтақавӣ оид ба беҳдошти шароит ва ҳифзи меҳнат ва назорати иҷрои онҳо, муайян намудани хароҷот барои ҳифзи меҳнат аз ҳисоби маблағҳои буҷети ҷумҳуриявӣ, муайян кардани ваколатҳои мақомоти ваколатдори давлатӣ оид ба ҳифзи меҳнат, таъмини ҳамкории мақомоти ҳокимияти давлатӣ ва мақомоти иҷроияи маҳаллии ҳокимияти давлатӣ, корфармоён, иттиҳодияҳои корфармоён, инчунин иттифоқҳои касаба, иттиҳодияҳои онҳо ва дигар мақомоти намояндагии ваколатдори кормандон дар татбиқи сиёсати давлатии ҳифзи меҳнат ва ташкили ҳамкориҳои байналмилалӣ оид ба ҳифзи меҳнат, дохил мешаванд.

Мақомоти ваколатдори давлатӣ оид ба ҳифзи меҳнат, Вазорати меҳнат, муҳоҷират ва шуғли аҳолӣ мебошад, ки низомномаи он бо қарори Ҳукумати Ҷумҳурии Тоҷикистон аз 3 марти соли 2014, №146 «Дар бораи Вазорати меҳнат, муҳоҷират ва шуғли аҳолии Ҷумҳурии Тоҷикистон» тасдиқ шудааст. Вазорати мазкур тибқи моддаи 329 КМ ҶТ ва низомномааш дар соҳаи ҳифзи меҳнат ваколату вазифаҳои зиёде дорад.

Принсипи таъмини ҳуқуқи намояндагони кормандон барои назорати ҷамъиятии риояи қонунгузории Ҷумҳурии Тоҷикистон оид ба меҳнат. Принсипи мазкур дар Кодекси меҳнати Ҷумҳурии Тоҷикистон ва Қонуни Ҷумҳурии