ҷойгирбуда, ки соҳибони молу мулк, иштирокчиён ва ё саҳмдоронаш шахсони воқеӣ ва ҳуқуқии хориҷӣ мебошанд, корфармоён, аз ҷумла ташкилотҳои дар ҳудуди Ҷумҳурии Тоҷикистон ҷойгиршуда, ки соҳибони молу мулк, иштирокчиён ва ё саҳмдоронаш шахсони воқеӣ ва ҳуқуқии хориҷӣ мебошанд, татбиқ мегарданд, агар дар шартномаи байналмилалии Ҷумҳурии Тоҷикистон тартиби дигаре пешбинӣ нашуда бошад.

Ягонагӣ ва тафовути танзими ҳуқуқии муносибатҳои меҳнатӣ пеш аз ҳама, дар таносуби меъёрҳои умумӣ ва махсус зоҳир мешавад. Қоидаҳои умумӣ нисбати ҳама кормандоне татбиқ мегарданд, ки ягонагии қонуни меҳнат, принсипҳои он, ҳуқуқ ва ӯҳдадориҳои субъектҳоро ифода мекунанд ва қоидаҳои махсус нисбат ба категорияҳои муайяни кормандон, хусусиятҳои танзими ҳуқуқии меҳнатии онҳо, ки бо омилҳои (ҳолатҳои) муайян ба вуҷуд меоянд, татбиқ карда мешаванд.

Асосҳо ва тартиби муқаррар кардани хусусиятҳои танзими меҳнат дар Кодекси меҳнати Ҷумҳурии Тоҷикистон пурра татбиқ карда намешавад, зеро танҳо қисман ҳолатҳое оварда шудаанд, ки тафовути танзими ҳуқуқии меҳнатии гурӯҳҳои алоҳидаи кормандонро муайян мекунанд ва инчунин бо дигар асосҳое, ки қонунгузории меҳнат, дигар санадҳо, шартномаҳои коллективӣ ва муайян мекунанд, амал мекунад. Ғайр аз он, хусусиятҳои танзими ҳуқуқии меҳнат, ки боиси паст шудани сатҳи кафолати кормандон, маҳдуд кардани ҳуқуқҳои онҳо, зиёд кардани ҷавобгарии интизомӣ ва (ё) моддии онҳо мебошанд, танҳо дар Кодекси меҳнати Ҷумҳурии