Дар Ҷумҳурии Тоҷикистон намудҳои зерини таъминот аз рӯи суғуртаи давлатии иҷтимоӣ муқаррар карда шудаанд:

• кӯмакпулӣ барои корношоямии муваққатӣ;
• кӯмакпулии ҳомиладорӣ ва таваллуд;
• кӯмакпулиҳои оилавӣ;
• кӯмакпулӣ барои сабаби бекорӣ;
• кӯмакпулӣ барои дафн ба аъзои оилаи камбизоат;
• хароҷоти маблағҳо барои тандурустии кормандон ва аъзои оилаи онҳо, инчунин барои татбиқи дигар тадбирҳо, ки ба вазифа ва функцияҳо оид ба ҳифзи меҳнат ва тандурустии кормандон ва аъзои оилаи онҳо мувофиқ аст.

Бояд қайд намуд, ки аз кӯмакпулиҳои зикршуда, кӯмакпулиҳо барои корношоямии муваққатӣ, барои ҳомиладорӣ ва таваллуд ва кӯмакпулиҳои оилавӣ дар корхонаву муассисаҳо, аз ҳисоби маблағҳои суғуртаи иҷтимоӣ ба кормандон пардохт мешаванд. Бо мақсади дуруст муқаррар ва пардохт намудани ин кӯмакпулиҳо, тибқи талаботи моддаи 21 Қонуни Ҷумҳурии Тоҷикистон «Дар бораи суғуртаи давлатии иҷтимоӣ», дар корхонаҳо ва ташкилоту муассисаҳо аз ҳисоби намояндаи корфармо, кумитаи иттифоқи касаба ё дигар мақомоти намояндагии кормандон Комиссияи суғуртаи давлатии иҷтимоӣ таъсис дода мешавад ё шахси ваколатдор интихоб карда мешавад.

Кӯмакпулӣ барои бекорӣ ба шахси бекор аз ҷониби мақомоти давлатии шуғли аҳолӣ дар ҷои истиқомати шаҳрванд ва кӯмакпулӣ барои дафн бошад, аз ҷониби