тобеияти бевоситаи роҳбари ташкилот, ташкил карда мешавад. Дар мавриди аз 50 нафар камтар будани шумораи кормандон, корфармо дар бораи таъсиси хадамоти ҳифзи меҳнат ё ҷорӣ намудани вазифаи (мансаби) мутахассис оид ба ҳифзи меҳнат вобаста ба хусусияти фаъолияти истеҳсолии ташкилот қарор қабул мекунад ё уҳдадориҳоро оид ба ҳифзи меҳнат ба зиммаи дигар мутахассис вогузор менамояд. Дар ҳайати хадамоти ҳифзи меҳнати ташкилот вобаста ба хусусияти истеҳсолот ё дар сурати бештар аз 500 нафар будани шумораи кормандон, вазифаи табиб оид ба гигиенаи меҳнат ҷорӣ карда шуда, лабораторияи саноатию санитарӣ таъсис дода мешавад. Дар мавриди кам будани теъдоди кормандон, вале мавҷудияти омилҳои зарарноки истеҳсолӣ, чунин лабораторияҳо метавонанд аз ҷониби якчанд ташкилот тибқи принципи соҳавӣ ташкил карда шаванд. Барҳам додани хадамоти ҳифзи меҳнати ташкилотҳо танҳо дар мавриди қатъ гардидани фаъолияти онҳо мумкин аст. Масъалаҳои марбут ба таъсис ё аз навтаъсисдиҳии хадамоти ҳифзи меҳнатро маъмурият, кумитаи иттифоқи касаба ва ё намояндагони кормандон ҳал мекунанд. Низомномаи (намунавии) хадамоти ҳифзи меҳнат дар ташкилотҳо бо қарори ҳайати мушовараи Вазорати меҳнат, муҳоҷират ва шуғли аҳолӣ аз 30 августи соли 2018, №18 тасдиқ шудааст.

Ғайр аз ин, низоми ташкили ҳифзи меҳнат тибқи моддаи 356 КМ ҶТ, таъсиси кумитаҳои (комиссияҳои) ҷамъиятӣ оид ба ҳифзи меҳнатро бо ширкати корфармо ва кормандон ё мақомоти намояндагии онҳо такозо менамояд.