14.2. Пардохтҳои кафолатӣ ва иловапулиҳои кафолатӣ

Пардохтҳои кафолатӣ ва иловапулиҳои кафолатӣ ба нигоҳ доштани музди меҳнати корманд ҳангоми набудани корманд дар ҷои кор ва ҳангоми надоштани натиҷаи кор, алоқаманданд.

Пардохтҳои кафолатӣ ин нигоҳ доштани музди меҳнат барои корманд (пурра ё қисман) дар давраи иҷро накардани уҳдадориҳои меҳнатии ӯ бо сабаб ва асосҳои муқарраркардаи қонун мебошад. Ба ин пардохтҳо дохил мешаванд: пардохт барои вақти маҷбуран ба кор ҳозир нашудани корманди ғайриқонунӣ аз кор озодшуда ҳангоми барқароршавӣ ба ҷои кор (моддаи 55 КМ ҶТ); пардохти ҷубронпулии аз кор рафтан (моддаи 169 КМ ҶТ); пардохтҳо дар ҳаҷми музди миёнаи музди меҳнат барои рухсатиҳои асосӣ ва иловагии ҳарсолаи пардохтшаванда (моддаи 91 КМ ҶТ), инчунин барои давраи рухсатии иловагӣ (мақсаднок) (моддаҳои 95-100 КМ ҶТ). Пардохтҳои кафолатӣ инчунин, пардохтро барои вақти иҷрои вазифаҳои давлатӣ ё ҷамъиятӣ дар бар мегиранд. Мувофиқи моддаи 164 КМ ҶТ корфармо барои аз кор озод кардани корманд бо нигоҳ доштани ҷои кор (вазифа) дар давоми иҷрои вазифаҳои давлатӣ ё ҷамъиятӣ вазифадор аст, агар ин вазифаҳо мутобиқи қонунгузорӣ бояд дар вақти корӣ иҷро карда шаванд. Дар ин ҳолатҳо, мақоме, ки кормандро дар вақти корӣ ба иҷрои вазифаҳои муқарраршуда ҷалб кардааст, кафолатро дар ҳаҷми муайяннамудаи