манъ кардани меҳнати кӯдакон такони нав бахшид, баъдан манъ кардани иҷрои баъзе корҳо барои занон ва ноболигон ва кӯтоҳ кардани давомнокии рӯзи корӣ барои ҳама низ ба миён омад.

Ҳуқуқи меҳнат нақши сафарбаркуниро барои таъминоти муттасили қувваҳои корӣ, аввал барои иқтисоди босуръат рушдёбандаи кишварҳо ва баъдан барои барқароршавӣ пас аз Ҷанги Дуюми Ҷаҳонӣ дар аксари давлатҳо иҷро намуд.

Ҳамин тариқ, ҳадафҳои асосии ҳуқуқи меҳнат инҳоянд:

• ҳифзи иҷтимоию ҳуқуқии кормандон;

• фароҳам овардани шароити мусоид барои кори одамон;

• ҳифзи ҳуқуқҳо ва манфиатҳои қонунии корфармоён;

• ҳамоҳангсозии манфиатҳои кормандон, корфармоён ва давлат дар соҳаи муносибатҳои иҷтимоию меҳнатӣ.

САВОЛҲОИ САНҶИШӢ

1. Мафҳуми ҳуқуқи меҳнатро шарҳ диҳед.

2. Ҳуқуқи меҳнат чиро меомӯзад?

3. Ҳуқуқи меҳнатро ҳамчун соҳаи алоҳидаи низоми ҳуқуқии Ҷумҳурии Тоҷикистон тавсиф намоед.

4. Кадом муносибатҳо предмети ҳуқуқи меҳнатро ташкил медиҳанд?

5. Усулҳои ҳуқуқи меҳнатро номбар кунед.

6. Усулҳои ҳуқуқи меҳнатро бо кадом хусусиятҳо маънидод намудан мумкин аст?