хусусияти махсуси иҷрои кор аст, рухсатии иловагии ҳарсола бо давомнокии на камтар аз 3 рӯзи тақвимӣ (моддаи 97 КМ ҶТ) ва барои кормандоне, ки дар шароитҳои махсуси табиию иқлимӣ кор мекунанд, рухсатии иловагии ҳарсола бо давомнокии на камтар аз 8 рӯзи тақвимӣ дода мешавад (моддаи 98 КМ ҶТ) дода мешавад.

Ба кормандони рӯзи кориашон ба меъёр гирифтанашуда барои зиёда аз давомнокии вақти кории муътадили муқарраргардида иҷро намудани кор рухсатии иловагӣ на камтар аз 10 рӯзи тақвимӣ дода мешавад (моддаи 99 КМ ҶТ).

Тартиб ва шартҳои додани рухсатии иловагии ҳарсолаи пардохтшаванда ба кормандони рӯзи кориашон ба меъёр гирифтанашуда дар ташкилотҳое, ки аз буҷаи ҷумҳуриявӣ маблағгузорӣ мешаванд, аз ҷониби Ҳукумати Ҷумҳурии Тоҷикистон, муқаррар карда мешаванд.

Қонунгузории меҳнат кафолати истифодаи воқеии рухсатии ҳарсолаи пардохтшавандаи кормандонро муқаррар кардааст. КМ ҶТ ба кормандон рухсатии пардохтшавандаи ҳарсоларо бо нигоҳ доштани ҷои кор (вазифа) ва музди миёнаи меҳнати корманд кафолат додааст. Ҳамаи кормандон ҳуқуқи баробар ба рухсатӣ доранд, сарфи назар аз он, ки дар кадом корфармо (шахси ҳуқуқӣ ё соҳибкори инфиродӣ) тибқи шартномаи мӯҳлатнок ё дигар шартномаи меҳнатӣ, дар шароити вақти пурра ё нопурраи корӣ фаъолият мекунанд. Давомнокии рухсатии ҳарсолаи асосӣ ва иловагӣ барои кормандон тибқи моддаи 101 КМ ҶТ бо рӯзҳои тақвимӣ ҳисоб карда мешавад ва бо ҳадди ниҳоии маҳдуд карда намешавад.