санҷиши молиявӣ, аудити фаъолияти молиявию хоҷагӣ ё санҷиши аудитӣ бошад, баъд аз ду соли содиршавии он татбиқ карда намешавад;

• корманд бо гузоштани имзо ба фармоиши корфармо оид ба татбиқи ҷазои интизомӣ, дар давоми се рӯзи пас аз интишори он, бе назардошти вақти ҳузур надоштани корманд, огоҳ карда мешавад. Дар сурати саркашӣ намудани корманд аз шиносӣ бо фармоиши мазкур, дар ин бора санади дахлдор тартиб дода мешавад;

• нисбати санад оид ба татбиқи ҷазои интизомӣ корманд метавонад бо тартиби муқаррарнамудаи Кодекси меҳнат ва дигар санадҳои қонунгузории Ҷумҳурии Тоҷикистон, шикоят намояд.

Ҷазои интизомӣ эътибори худро дар давоми шаш моҳ нигоҳ медорад. Агар дар ин давра, яъне дар давоми шаш моҳ аз рӯзи татбиқ намудани ҷазои интизомӣ, ба корманд ҷазои нави интизомӣ дода нашавад, корманд ҷазои интизомӣ надошта ҳисоб мешавад. То гузаштани шаш моҳ аз рӯзи татбиқи ҷазои интизомӣ, корфармо метавонад бо ташаббуси худ, бо хоҳиши худи корманд, бо дархости роҳбари бевосита ё мақоми намояндагии кормандон онро бекор кунад. Ҷазои интизомӣ дар дафтарчаи меҳнатии корманд сабт карда намешавад.

Иттифоқи касаба ё дигар мақомоти намояндагии кормандон ҳуқуқ дорад аз корфармо ба ҷавобгарии интизомӣ кашидани роҳбари ташкилот, сардори воҳиди сохторӣ, муовинони онҳоро барои вайрон кардани ӯҳдадориҳои меҳнатӣ, дархост намояд. Корфармо вазифадор аст, ки ин дархостро баррасӣ намуда, дар