Ба ин гуна муносибатҳо инчунин муносибатҳои назорати давлатӣ, назорати иттифоқҳои касаба аз болои риояи қонунгузории меҳнат (аз ҷумла қонунгузории ҳифзи меҳнат) ва дигар санадҳои меъёрии ҳуқуқии соҳаи меҳнат шомил мешаванд. Назорати давлатӣ аз болои риояи қонунгузории меҳнат ва дигар санадҳои меъёрии ҳуқуқии соҳаи меҳнат аз ҷониби мақомоти иҷроияи давлатӣ, ки вазифаҳои назоратро дар соҳаи муқарраршудаи фаъолият амалӣ мекунанд, анҷом дода мешавад.

Муносибатҳои вобаста ба омодагии касбӣ ва таҳсили иловагии касбии кормандон дар корфармои мушаххас низ ба муносибатҳои вобастаи меҳнат дохил мешаванд. Агар касбомӯзӣ ва таҳсилоти иловагии касбӣ пеш аз оғози кор бошад, пас ин муносибат пеш аз муносибатҳои меҳнатӣ ба ҳисоб меравад. Дар ин ҳолат, тарафҳои ин муносибатҳо — корфармо ва корманд шартномаи шогирдӣ мебанданд.

Муносибатҳои вобаста ба бекортаъминсозӣ дар ҳамин корфармо муносибатҳои қаблӣ мебошанд. Меъёрҳои танзимкунандаи ин муносибатҳо кафолати дастгирии иҷтимоии шаҳрвандони корҷӯ, ваколатҳо ва ӯҳдадориҳои корфармоён дар соҳаи шуғли аҳолӣ ва ғайраро дар бар мегиранд. Шаҳрвандон ва корфармоён, хадамоти давлатии шуғли аҳолӣ ва дар ҳолатҳои муқарраршуда иттифоқҳои касаба дар ин муносибатҳо ширкат меварзанд.