кунанд, аммо хизматрасониҳои онҳо пулакӣ мебошанд.

Барои гирифтани хизматрасониҳои давлатӣ дар соҳаи мусоидат ба шуғл, шаҳрвандон бояд ба қайд гирифта шаванд. Қоидаҳои бақайдгирӣ бо Қарори Ҳукумати Ҷумҳурии Тоҷикистон аз 30 апрели соли 2004, № 170 "Дар бораи тартиби бақайдгирии шаҳрвандони бекор"
муқаррар карда шудааст.

Бақайдгирӣ бо ворид намудани маълумот дар бораи шаҳрвандон ба феҳристи қабулкунандагони хизматрасониҳои давлатӣ амалӣ карда мешавад.

Шаҳрвандони қобили меҳнат, ки ба мақомоти шуғли аҳолӣ муроҷиат кардаанд, бекоранд ва дар ҷустуҷӯи коранд, ҳангоми бақайдгирӣ барои интихоби кори мувофиқ ҳуҷҷатҳои дахлдор: шиноснома ё дигар ҳуҷҷати тасдиқкунандаи шахсият; дафтарчаи меҳнатӣ, ҳуҷҷати тасдиқкунандаи ихтисос; маълумотнома дар бораи музди миёнаи меҳнат дар се моҳи охир дар ҷои охирини кор; барои маъюбон - барномаи инфиродии барқарорсозиро пешниҳод менамоянд. Мақомоти давлатии шуғл ҷои кори мувофиқро ҷустуҷӯ мекунад ва дар сурати мавҷуд будани ҷои кор, ба шаҳрванд барои мусоҳиба бо корфармо роҳхат медиҳад. ки шаҳрванд бояд дар тӯли се рӯз ба ӯ муроҷиат кунад.

Агар дар муддати 10 рӯзи пас аз муроҷиат шаҳрвандон дар мақомоти шуғл кор дарёфт накунанд, аз рӯзи аввали бақайдгирӣ бекор дониста мешаванд.