таъсис дода мешаванд, ки ба ҳайати онҳо намояндагони тарафҳо дохил мешаванд.

Сохтори бисёрсатҳаи ташкилӣ-ҳуқуқии мақоми шарикии иҷтимоӣ барои таъмини яксон ва тобеияти зарурӣ дар фаъолияти ҳамаи мақоми шарикии иҷтимоӣ, ки ба танзими муносибатҳои иҷтимоӣ ва меҳнатӣ ҷалб карда шудаанд, таҳия шудааст.

Дар сатҳи ҷумҳуриявӣ Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон таъсис дода шудааст, ки фаъолияти он мутобиқи КМ ҶТ ва қарорҳои Ҳукумати Ҷумҳурии Тоҷикистон «Дар бораи тасдиқи Низомномаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон» ва «Дар бораи тасдиқи Низомномаи тартиби таҳия ва бастани созишномаҳои генералӣ, соҳавӣ ва минтақавӣ дар Ҷумҳурии Тоҷикистон» амалӣ карда мешавад. Аъзои комиссияи мазкур намояндагони Федерацияи иттифоқҳои касабаи мустақили Тоҷикистон, иттиҳодияи корфармоёни Ҷумҳурии Тоҷикистон ва Ҳукумати Ҷумҳурии Тоҷикистон мебошанд.

Дар сатҳи минтақавӣ (вилоятӣ, шаҳрӣ ва ноҳиявӣ) метавонанд комиссияҳои сетарафа таъсис дода шаванд, ки фаъолияти онҳо бо КМ ҶТ ва низомномаҳо ва қоидаҳои муқарраршуда танзим карда мешавад.

Инчунин дар сатҳи соҳавӣ метавонанд комиссияҳо оид ба танзими муносибатҳои иҷтимоию меҳнатӣ ташкил карда шаванд. Чунин комиссияҳо метавонанд ҳам дар сатҳи ҷумҳуриявӣ ва ҳам дар сатҳи минтақавии шарикии