намояндагони онҳо ва мақомоти дахлдори назорати меҳнат амалӣ мекунанд.

Ҳамкории шарикони иҷтимоӣ, намояндагони онҳо, ба ҳам наздик шудани мавқеъҳо дар байни онҳо, ҳамоҳангсозии манфиатҳо ва қабули қарорҳои ба ҳам мувофиқ метавонанд дар шаклҳои гуногун амалӣ карда шаванд. Тибқи моддаи 299 КМ ҶТ шаклҳои амалӣ намудани шарикии иҷтимоӣ инҳоянд:

• музокирот ва машваратҳо;

• таҳия, қабул ва татбиқи қарорҳои муштарак;

• бастани созишнома ва шартномаҳои коллективӣ;

• иттилоотонии мутақобилаи тарафҳо оид ба иҷрои уҳдадориҳои қабулгардида.

Ҳамин тариқ, натиҷаи татбиқи ин шаклҳои шарикии иҷтимоӣ баимзорасонӣ ва татбиқи шартномаҳои коллективӣ ва созишномаҳои сатҳи дахлдори соҳавӣ ва минтақавӣ дар сатҳи як ё якчанд соҳаҳо минтақаҳо мебошанд.

5.2. Намояндагии кормандон ва корфармоён

Тарафҳои шарикии иҷтимоӣ ба муносибатҳои дахлдор тавассути намояндагони худ ворид мешаванд. Иштироки онҳо аз риояи қонунгузорӣ дар бораи намояндагони кормандон ва корфармоён, ваколатҳои ба онҳо вогузоршуда ва дуруст таҳия намудани намояндагӣ мувофиқи талаботи қонун вобаста аст.

Намояндагони кормандон дар шарикии иҷтимоӣ метавонанд инҳо бошанд:

а) иттифоқҳои касаба;