Як бор задам, ки дар гирифтам,
Будаст, Худо, чӣ кор бӯса?!
Ай сӯзиши дил, ки мешудам об,
Якбора задам ду бор бӯса.
Эй вой, дигар надонам, эй вой,
Кардаст маро чӣ кор бӯса?!

Аз хона ба ноз мебароӣ

Аз хона ба ноз мебароӣ,
Бисёр ту соз мебароӣ.
Ширин ба ҳазор печу тобат
Аз сина чу роз мебароӣ.
Сӯзонда маро ба як нигоҳат,
Бо сӯзу гудоз мебароӣ.
Баргашта ба ноз медароӣ,
Дубора ба ноз мебароӣ.
Эй, нози кушандаи ту ширин,
Ширин чӣ ба ноз мебароӣ.
Дар хоб ба ноз медароӣ,
Аз хоб ба ноз мебароӣ.
Ман аз ғами ту намоз хонам,
Ту вақти намоз мебароӣ.
Дар хона ба ноз медароӣ,
Донам, ки ту боз мебароӣ.
Эй вой, маро ба ноз кушта,
Эй, боз ба ноз мебароӣ!

Дар хона ба ноз медароӣ

Дар хона ба ноз медароӣ,
Хушрӯй чӣ соз медароӣ.
Сӯзонда маро ба нози ширин,
Бо сӯзу гудоз медароӣ.
Бо нози кушанда мебароӣ,
Дубора ту боз медароӣ.