Ай ошиқи масти ман, Худо ёрат бод!
Афсонапарасти ман, Худо ёрат бод!
Дарёи муҳаббати маро сода магир,
Афтода ба шасти ман, Худо ёрат бод!

Ё раб, караме бикун, баҳорам бифирист,
Оҳу бикунам, ба марғзорам бифирист.
Дар вақти чаро намудани сабзаи тар
Як шердиле пайи шикорам бифирист...

На мастиву на кабоб мехоҳам ман,
Аз ҷоми лабат шароб мехоҳам ман,
Дар сояи қомати базебат, эй ёр,
Сероб за бӯса хоб мехоҳам ман!