СИРРИ ПИНҲОНКАРДА

Марг мехоҳам, ки пӯшад чашми ҳайрони маро,
Мебарад ағёри ман аз даст ҷонони маро.

Ғарқи хун гардидану хандиданам афсона нест,
Лола медонад зи гулҳо асли ирфони маро.

Марг мегуфтам, ки таррор асту хоҳад бурдашон,
Зиндагӣ аммо зи ман дуздид ёрони маро.

Чун қалам аз сирри пинҳон карда сар додам ба теғ, Ашки ғам аммо бурун овард пинҳони маро.

Зиндагонӣ нест ғайри фанду фанду фанду фанду...
Марг мехоҳам, ки пӯшад чашми ҳайрони маро.