АЛАМИ САБЗИ ЁДҲО...

Эй моҳтоб, меғи сиёҳро ба рӯ макаш,
Чашмам ба бекаронагии ҷустуҷӯ макаш!

Худ бод кист, роҳ барад то ба зулфи ту?
Ҳар шонаро азизи дили ман, ба мӯ макаш.

Бинмуда дар баробари ман ноз нав ба нав,
Бо ёдҳои куҳна маро кӯ ба кӯ макаш.

Эй моҳтоб, аз алами сабзи ёдҳо
Сад буғзро зи синаи ман бар гулӯ макаш.

Бӯи кадом қалби зи ғам мурда мекунад,
Атри фасонаҳои маро ҳеҷ бӯ макаш...